Մեր կողմից կա լիովին պատրաստակամություն, որ եթե ընտրական օրենսդրությունում թերություններ կար, շտկվեն, պետք է ավարտվի խորհրդարանը գրոհելով իշխանությունը փոխելու գործընթացը, Մայք Պոմպեոն կիսում է մեր դիրքորոշումը. Դավիթ Զալկալիանի
Մենք լիովին պատրաստ ենք շտկելու ընտրական օրենսդրության ցանկացած թերություն: Այն չի շտկվի փողոցային հանրահավաքներով,- այս մասին արտաքին գործերի նախարար Դավիթ Զալկալիանին հայտարարել է Մոամբեի եթերում:
Նախարարի խոսքով, Վրաստանում մեկընդմիշտ պետք է ավարտվի խորհրդարանը գրոհելով իշխանափոխության գործընթացը և այդ դիրքորոշումը կիսում է նաև Մայք Պոմպեոն:
«Վրաստանի վարչապետը Մայք Պոմպեոին մանրամասն տեղեկատվություն է տրամադրել երկրի ներսում տեղի ունեցող իրադարձությունների վերաբերյալ, նշվել է և այստեղ լիարժեք համաձայնություն կա, որ վերջին խորհրդարանական ընտրությունների հետ կապված տեղի ունեցած գործընթացները բացարձակապես նոր իրողություն են մեր ժողովրդավարական պետության համար: Նույն պետքարտուղարության հետագա հայտարարությունները հաստատում են, որ Միացյալ Նահանգները Վրաստանի ժողովրդավարությունը համարում են շարունակական գործընթաց և որ ընտրություններն իսկապես շատ կարևոր են այս գործընթացում:
Մեր կողմից նշվեց, որ անկախ Վրաստանի պատմության մեջ առաջին անգամ ընտրություններն անց կացվեցին նոր համակարգով և, որ այդ համակարգի մշակման մեջ իր ներդրումն ուներ Ամերիկայի Միացյալ Նահանգները: Վրաստանի նորագույն պատմության մեջ իննը քաղաքական կուսակցություն երբեք չի ներկայացվել Վրաստանի խորհրդարանում, ընդդիմությունը երբեք չի ունեցել այդքան մեծ քանակությամբ տեղեր, ընտրությունները երբեք չեն անցկացվել այսպիսի նոր համակարգով: Սա եզակի հնարավորություն է այս ընտրություններում մասնակիցների համար, որ հարգեն գերագույն օրենսդիր մարմնի և ընտրողների կամքը:
Սա է իրականությունը, որն առաջացել է, և հենց հիմա կարևոր է, որ այս գործընթացը մնա քաղաքական շրջանակներում և մտնի խորհրդարան:
Մենք լիովին պատրաստ ենք շտկելու ընտրական օրենսդրության ցանկացած թերություն: Այն չի շտկվի փողոցային հանրահավաքներով: Այն չի շտկվի փողոցային հանրահավաքներով: Վրաստանում պետք է մեկընդմիշտ ավարտվի խորհրդարանը գրոհելով իշխանափոխության գործընթացը», – հայտարարել է Դավիթ Զալկալիանին:
Հարցին, թե ինչպիսին էր Մայք Պոմպեոյի պատասխանը այս հարցին, Զալկալիանին պատասխանել է, որ նա կիսում է իրենց դիրքորոշումը:
«Նա կիսում է մեր դիրքորոշումը: Դա երևաց հանդիպումից հետո, պետքարտուղարության բարձրաստիճան պաշտոնյայի հայտարարության մեջ, որտեղ ուղղակիորեն կոչ է արվում ընդդիմությանը, որ բոյկոտը քաղաքակիրթ պայքարի միջոց չէ, որ այս ֆիլմն արդեն դիտվել է միջազգային հանրության կողմից: Խնդրի լուծման միակ քաղաքակիրթ ճանապարհն է գնալ բարձրագույն օրենսդիր մարմնին և այնտեղ շտկել այն, քննարկել այնտեղ: Սա ընտրողների, այդ թվում ՝ ընդդիմադիր տրամադրված ընտրողների կողմից քաղաքական դերակատարներին տրված մանդատն է: Ցավոք, այսօր նրանք դա չեն նախատեսում:
Մենք տեսնում ենք, թե ինչ է տեղի ունենում հարևանության մեջ, ինչպես է մեծացել Ռուսաստանի ներգրավվածությունը տարածաշրջանում, և մենք այս պահին զբաղված ենք բացարձակապես անիմաստ, անօգուտ համառությամբ և գործընթացները փողոց դուրս բերելով: Դա անընդունելի է մեր միջազգային գործընկերների համար, ինչը շատ հստակ հայտարարվեց նրանց կողմից», – հայտարարել է նախարարը:
