Մեր ցուցակում կան մարդիկ, ովքեր ինձ նախկինում խիստ քննադատում էր, սակայն մոռացել ենք հին ժամանակները, քանի որ իսկապես ընդհանուր ուժերի միասնության ժամանակն է. Միխեիլ Սաակաշվիլի
Մեր ցուցակում կան մարդիկ, ովքեր ինձ նախկինում խիստ քննադատում էր, սակայն մոռացել ենք հին ժամանակները, քանի որ իսկապես ընդհանուր ուժերի միասնության ժամանակն է. Միխեիլ Սաակաշվիլի

Միացյալ ընդդիմության ցուցակը, որոշ չափով դաշինքային ցուցակ է, որովհետև բոլորովին այլ ուժերով, տարբեր ծագմամբ մարդիկ ուժ գտան միասին կանգնելու, որ Վրաստանը դուրս բերեն ճգնաժամից և արագ առաջ տանեն,- այս մասին Վրաստանի նախկին նախագահ Միխեիլ Սաակաշվիլին հայտարարել է հրապարակած տեսանյութում:

Նրա խոսքով, ընտրական ցուցակը, որը միասնական ընդիմությունը ներկայացրել է «ազգային շարժման» հետ միասին, լավագույնն է:

«Այսօր միացյալ ընդդիմությունը, «ազգային շարժման» հետ միասին, ներկայացրել է իր ընտրացուցակը համամասնական մանդատների համար, և սա իսկապես, իմ հիշողության մեջ, լավագույն ընտրական ցուցակն է, որը երբևէ որևէ մեկը ներկայացրել է Վրաստանում: Դա տարբեր դարաշրջանների, հաջող փորձի, մասնագետների, երիտասարդության, էներգիայի, հայրենասիրության և այն ամենի ամփոփումն է, որն այժմ անհրաժեշտ է Վրաստանը ճահճից դուրս բերելու համար: Ցուցակի առաջին տեղում է Բուբա Կիկաբիձեն, մարդ, որը երբեք չի վաճառվել ոչ օլիգարխին, ոչ օլիգարխի հովանավորին, քանի որ նրան առաջարկել են միլիոնավոր դոլարներ վճարել, որ գոնե մեկ անգամ երգեր Ռուսաստանում ՝ Ռուսաստանի կառավարության համար: Նա միշտ դիմակայել է այս գայթակղությանը և շատ բարձր պահել իր արժանապատվությունը, ընդ որում, նրա բազմաթիվ հարցազրույցները հաճախ են քննվում Եվրասիայի ընդարձակ տարածքում, քանի որ նա աշխարհի ամենահայտնի վրացիներից մեկն է: Ցուցակում է նաև Նոնա Մամուլաշվիլին, նա շատ հզոր քաղաքագետ է, տնտեսագետ, Սորբոնի համալսարանի գիտությունների դոկտոր, բոլորովին նոր մարդ է վրացական քաղաքականության մեջ, որը նախկինում ոչ մի կուսակցությունում չի եղել, այդպիսի մարդիկ միանում են «ազգային շարժմանը»: Ահա Մանուչար Կվիրկվելիան, ով Պեկինի օլիմպիական խաղերի ժամանակ, երբ Վրաստանը ռմբակոծվում էր, նվաճել է ոսկե մեդալ, եզրափակչում հաղթելով ռուս մրցակցին», – ասել է  Սաակաշվիլին:

Նրա խոսքով, «գործնականում ցուցակը նախատեսված է հաղթանակի համար»:

Միխեիլ Սաակաշվիլիի հայտարարությամբ, ընտրացուցակում կան գործարարներ, որոնք շատ բաներում իր հետ համաձայն չեն եղել, սակայն հիմա մոռացել են իրենց բողոքների մասին:

«Ցուցակում կան նաև բիզնեսի ներկայացուցիչներ, նրանք, ովքեր շատ բաներ են ստեղծել Վրաստանում, օրինակ ՝ Ցեզար Չոչելին, որը Վրաստանում ստեղծել է անհավանական նոր բիզնեսներ: Նաև Կախա Օքրիաշվիլին, որի հետ ես հաճախ չէի համաձայնվում, սակայն չեմ կարող չհիանալ, թե ինչպես ամուր է կանգնել օլիգարխի ու նրա ռեժիմի դեմ, երբ ուղղակի սպառնացել են ճնշումներով և ասել: Ինչպե՞ս չհարգել այս դիրքը:Մեր ցուցակում կան մարդիկ, ովքեր ինձ նախկինում խիստ քննադատում էր, սակայն մոռացել ենք հին ժամանակները, քանի որ իսկապես ընդհանուր ուժերի միասնության ժամանակն է: Միացյալ ընդդիմության ցուցակը, որոշ չափով դաշինքային ցուցակ է, որովհետև բոլորովին այլ ուժերով, տարբեր ծագմամբ մարդիկ ուժ գտան միասին կանգնելու, որ Վրաստանը դուրս բերեն ճգնաժամից և արագ առաջ տանեն: Վրաստանը հոկտեմբերի 31-ից կսկսի հաշվել նոր ժամանակներ»,- ասել է Սաակաշվիլին:

Թողնել մեկնաբանություն