Մեկնարկել է Մամուկա Բախտաձեի պաշտոնական այցը Բելառուս
Մեկնարկել է Մամուկա Բախտաձեի պաշտոնական այցը Բելառուս

Մեկնարկել է Վրաստանի վարչապետ Մամուկա Բախտաձեի պաշտոնական այցը Բելառուս:

Վրաստանի կառավարության ղեկավարին Մինսկի միջազգային օդանավակայանում դիմավորել է Բելառուսի փոխվարչապետ Վլադիմիր Դվորնիկը:

Վրաստանի վարչապետի մամլո ծառայության տեղեկությամբ, վարչապետը կառավարության անդամների հետ միասին հարգել է Երկրորդ աշխարհամարտի զոհերի հիշատակը: Մամուկա Բախտաձեն Մինսկում ծաղկեպսակ է դրել 1941-1945 թվականներին, ֆաշիզմի դեմ պայքարող հերոսների հուշարձանին:

Այցի շրջանակներում նախատեսված է կառավարության ղեկավարի հանդիպումը Բելառուսի Հանրապետության նախագահ Ալեքսանդր Լուկաշենկոյի հետ:

Վրաստանի վարչապետը կհանդիպի բելառուս գործընկերոջը: Հանդիպումը կշարունակվի երկու երկրների կառավարության անդամների մասնակցությամբ՝ ընդլայնված ձևաչափում:

Պաշտոնական այցի շրջանակներում Վրաստանի վարչապետը հանդիպելու է Բելառուսի Հանրապետության ներկայացուցիչների պալատի նախագահ Վլադիմիր Անդրեյչենկոյի հետ:

Վրաստանի վարչապետի գլխավոր պատվիրակության կազմում են արտաքին գործերի նախարար Դավիթ Զալկալիանին, բնապահպանության և գյուղատնտեսության նախարար Լևան Դավիթաշվիլին, Թբիլիսիի քաղաքապետ Կախա Կալաձեն և Վրաստանի խորհրդարանի ֆինանսական և բյուջետային կոմիտեի նախագահ Իրակլի Կովզանաձեն:

Թողնել մեկնաբանություն