Մառնեուլիում հանվել է տեղաշարժման վրա սահմանված արգելքը

10:19, 18.05.2020

Այսօրվանից Մառնեուլիում ավարտվել է խիստ կարանտինը: Մունիցիպալիտետում հանվել է տեղաշարժման վրա հաստատված արգելքը: Քաղաքացիները հնարավորություն կունենան տեղշարժվել առանց որևէ խնդրի:

Մունիցիպալիտետի մուտքի մոտ տեղադրված անցակետի ապամոնտաժումն իրականացվել է երեկ գիշեր: Ապամոնտաժման աշխատանքներին ներկա են գտնվել Քվեմո Քարթլիի նահանգապետը, Մառնեուլիի քաղաքապետը և սակրեբուլոյի անդամները:

Մառնեուլիում, համավարակաբանական իրավիճակից ելնելով, խիստ կարանտին էր հայտարարվել մարտի 23-ին:

Չնայած արգելքի վերացմանը, դեռևս գործելու է պարետային ժամը, որի համաձայն, ժամը 21:00-ից մինչև առավոտյան 6-ը արգելվում է փողոցում քայլելը:

Նոր կորոնավիրուսի կանխարգելման պատճառով, երկրում արտակարգ դրությունը հայտարարված է մինչև մայիսի 22-ը:

Հեղինակ - edgar barsegyan

COVID-19

Հասարակական

Շրջաններ

Marneuli

კოვიდ-19

Կորոնավիրուս