Մարդկանց, ովքեր քրեական հետապնդման են ենթարկվել համավարակի պատճառով սահմանված կարգերը խախտելու համար, կվերաբերի համաներում
Մարդկանց, ովքեր քրեական հետապնդման են ենթարկվել համավարակի պատճառով սահմանված կարգերը խախտելու համար, կվերաբերի համաներում, – այս մասին, ճեպազրույցի ընթացքում ասել է Վրաստանի վարչապետ Իրակլի Ղարիբաշվիլին:
Նրա խոսքով, կանոնակարգերը խախտելու համար տուգանված քաղաքացիները կազատվեն ինչպես քրեական պատասխանատվությունից, այնպես էլ վարչական տուգանքներից:
Դրա հետ մեկտեղ, վարչապետի հայտարարությամբ, նախաձեռնությունն արդեն ներկայացվել է խորհրդարան:
«Այսօր խորհրդարան է ներկայացվել երկու օրինագիծ, որը վերաբերում են նրանց, ովքեր վարչական կամ քրեական պատասխանատվության են ենթարկվել համավարակային պայմաններում սահմանված կարգը խախտելու համար: Նշված նախաձեռնության շրջանակներում, համաներումը կվերաբերի ավելի քան 245 հազար քաղաքացու և 344 իրավաբանական անձի, նրանք կազատվեն ինչպես քրեական պատասխանատվությունից, այնպես էլ վարչական տուգանքներից: Խոսքը մեկուսացման, կարանտինի և շնչադիմակ կրելու կանոնների խախտման համար սահմանված շուրջ 76 միլիոն լարի չվճարված տուգանքների մասին է: Մենք այս որոշումն ընդունեցինք, իհարկե, հաշվի առնելով համավարակով պատճառած ծանր սոցիալ-տնտեսական իրավիճակը
Համավարակի ընթացքում մենք լավ գիտակցում ենք, որ տուժել են մեր շատ քաղաքացիներ և բիզնեսներ: 2020 թվականը շատ բարդ տարի էր, և այդ տույժերը լրացուցիչ բեռ են նրանց համար: Իհարկե, մենք հասկանում ենք, որ վարակի կառավարման ընթացքում անհրաժեշտ էր պահպանել կանոնակարգերը, այնուամենայնիվ, շատ կարևոր է նաև, առաջին հերթին, մեղմացնել մեր քաղաքացիների տնտեսական վիճակը, և այս նախաձեռնության պատճառն հենց դա է: Ուստի ևս մեկ անգամ ուզում եմ շնորհակալություն հայտնել մեր խորհրդարանին: Ես շփում եմ ունեցել մեր թիմի հետ, բնականաբար, քաղխորհրդի, մեծամասնության հետ, և նշված նախաձեռնությունը կընդունվի և կհաստատվի ամենակարճ օրերին», – հայտարարել է վարչապետը: