Մանկական Եվրատեսիլում Վրաստանի ներկայացուցիչ, Սանդրա Գադելիայի You are not alone երգի հեռուստատեսային պրեմիերան տեղի ունեցավ Վրաստանի առաջին ալիքի «Ախալի դղե» հաղորդման առավոտյան ծրագրում:

Երաժշտական համարի տեսաձայնագրությունն ընթանում էին Թբիլիսիի հին թաղամասերից մեկում ՝ Շավթելի փողոցում: Ակուստիկ ոճով նկարահանված տեսահոլովակի ռեժիսորը Զազա Օրաշվիլին է: Սանդրա Գադելիայից բացի, տեսահոլովակին մասնակցում է նաև Ուսանողների և երիտասարդների ազգային պալատի ջութակի «Սի-Մի» համույթը:

Սանդրա Գադելիայի մրցութային երգի վրա աշխատել է կոմպոզիտոր Գիորգի Կուխիանիձեն, իսկ տեքստը պատկանում է Թեմո Սաջաիային:

2020 թվականի Մանկական Եվրատեսիլը կանցկացվի նոյեմբերի 29-ին, Լեհաստանի մայրաքաղաքում: Կորոնավիրուսի համավարակի պատճառով այս տարվա Մանկական Եվրատեսիլ երգի մրցույթը կանցկացվի փոփոխված ձևաչափով: Շոուն կհեռարձակվի Վարշավայի տաղավարից, իսկ մասնակիցներն իրենց մրցութային երգերը կկատարեն իրենց երկրների տաղավարներից: Մանկական Եվրատեսիլ երգի մրցույթին կմասնակցի 12 երկիր: Եվրափառատոնի կարգախոսն է՝ Move the world! («շարժիր աշխարհը»): Վրաստանը 2020 թվականի մանկական Եվրատեսիլին ներկայացնելու է՝ «Ռանինա» նախագծի հաղթող Սանդրա Գադելիան: