Մամուկա Բախտաձեն պաշտոնական այցով մեկնում է Հայաստան
Մամուկա Բախտաձեն պաշտոնական այցով մեկնում է Հայաստան

Վրաստանի վարչապետ Մամուկա Բախտաձեն այսօր պաշտոնական այցով մեկնում է Հայաստան:

Ինչպես առաջին ալիքին տեղեկացրել են Վրաստանի վարչապետի մամուլի ծառայությունից, վարչապետ Բախտաձեի պաշտոնական դիմավորման արարողությունը տեղի է ունենալու Հայաստանի հանրապետության կառավարության գրասենյակում:

Վրաստանի կառավարության ղեկավարին հյուրընկալելու է ՀՀ վարչապետ Նիկոլ Փաշինյանը: Ծրագրված է վարչապետերի դեմ առ դեմ հանդիպումը, որից հետո կայանալու է հանդիպում ընդլայնված կազմով, կառավարության անդամների մասնակցությամբ:

Հանդիպումից հետո Մամուկա Բախտաձեն և Նիկոլ Փաշինյանը հայտարարություններ են անելու մամուլի համար:

Պաշտոնական այցի շրջանակներում վարչապետ Բախտաձեն հանդիպելու է ՀՀ նախագահ Արմեն Սարգսյանի և խորհրդարանի նախագահ Արա Բաբլոյանի հետ:

Վրաստանի պատվիրակության կազմում են՝ արտաքին գործերի նախարար Դավիթ Զալկալիանին և խորհրդարանի խոսնակի տեղակալ Գիորգի Վոլսկին:

Թողնել մեկնաբանություն