Դավոսի համաշխարհային տնտեսական ֆորումի շրջանակներում, ֆորումի մասնակից աշխարհի առաջնորդների համար կայացել է պաշտոնական ընթրիք, որին հրավիրված է եղել նաև Վրաստանի վարչապետ Մամուկա Բախտաձեն:

Ընթրիքին Վրաստանի վարչապետը հանդիպել է Գերմանիայի կանցլեր Անգելա Մերկելին:

Վրաստանի արտաքին գործերի նախարար Դավիթ Զալկալիանիի տեղեկությամբ, Մամուկա Բախտաձեի և Անգելա Մերկելի հանդիպումը կայացել է ոչ պաշտոնական ձևաչափում և նրանք զրուցել են մի քանի հարցի շուրջ:

«Մենք նախորդ տարի հյուրընկալել էինք Գերմանիայի կանցլերին և բնական է, այս հաղորդակցության ժամանակ խոսքը վերաբերել է այն հարցերին, որոնք քննարկվել են տիկին Մերկելի Վրաստան այցի ժամանակ և  նաև ապագա համագործակցության հեռանկարներին»,- հայտարարել է Դավիթ Զալկալիանին:

Նրա խոսքով, Գերմանիան շատ կարևոր դեր ունի տարբեր հարցերում: