Կորոնավիրուսի դեմ պատվաստումները սկսվել են նաև Աջարիայում: «Աստրազենեկայի» պատվաստանյութը առաջինը ներարկել է առողջապահության նախարար Նինո Նիժարաձեն: Նիժարաձեն պատվաստվել է Բաթումիի հանրապետական ​​հիվանդանոցում:

Նախարարի խոսքով, բժշկական անձնակազմը պատրաստ է ներգրավվել պատվաստումների գործընթացին, բայց նրա խոսքով, կան թերահավատներ, այդ պատճառով էլ երկրի առաջատար իմունոլոգները օրինակ են ծառայում նրանց համար:

«Աշխարհում համավարակի դեմ պայքարի ավելի արդյունավետ միջոց չկա, քան պատվաստումը, ուստի ես կոչ եմ անում բժշկական անձնակազմին ներգրավվել այս գործընթացում», – հայտարարել է Նինո Նիժարաձեն:

Աջարիայում գործում է պատվաստման իննը կաբինետ, այդ թվում `չորսը Բաթումիում և հինգը մարզային համայնքներում, որտեղ պատվաստումների գործընթացը կսկսվի մարտի 17-ին: Այսօր Բաթումիում պատվաստվելու են ավելի քան 50 բուժաշխատողներ:

Վրաստանում կորոնավիրուսի դեմ պատվաստումը սկսվել է այսօր: Առաջին փուլում պատվաստվելու է բժշկական անձնակազմը: