Վրաստանի պաշտպանական ուժերի հետախուզական ստորաբաժանումների և ՆԳՆ-ն հատուկ առաջադրանքների վարչության հավաքի՝ «աղեղ 2020»-ի շրջանակներում տեղի է ունեցել ցուցադրական զորավարժություն:
Պաշտպանության նախարարության հաղորդմամբ, պլանային զորավարժությանը ներկա են գտնվել, Վրաստանի պաշտպանական ուժերի հրամանատար, գեներալ-մայոր Գիորգի Մաթիաշվիլին, ինչպես նաև ներքին գործերի նախարարության հատուկ առաջադրանքների վարչության և պաշտպանական ուժերի այլ բարձրաստիճան պաշտոնյաներ: Գեներալ-մայորը շնորհակալություն է հայտնել զորավարժությանը ներգրավված անձնակազմին և հատուկ գործողության ուժերի հրահանգիչներին, զորավարժությունները բարձր մակարդակով անցկացման համար:
Ցուցադրական զորավարժությունների շրջանակներում, պաշտպանական ուժերի հետախուզական ստորաբաժանումները և հատուկ առաջադրանքների վարչության հետախուզական տակտիկական խմբերը համատեղ ուժերով հայտնաբերել են պայմանական հակառակորդի բազան և հաջողությամբ իրականացրել հարձակում:
Դաշտային հավաքը ներառում էր տեսական և գործնական դասեր: Պաշտպանական ուժերի հետախուզական ստորաբաժանումների զորավարժությունները սկսվել են հունիսի 28-ին և կավարտվեն հուլիսի 5-ին:
Տեղեկությունը տարածում է Վրաստանի պաշտպանության նախարարությունը: