ԱՄՆ Կենտրոնական հետախուզական վարչության ղեկավարի նախկին տեղակալը նկարահանվել է «Գահերի խաղը» սերիալում: Դևիդ Քոենը մասնակցել է 8-րս դեզոնի երկրորդ սերիայի մասսայական էպիզոդներից մեկում: Այս մասին ասված է ԱՄՆ-ի կենտրոնական հետախուզական վարչության «թվիթերի» էջում:

Նախկին բարձրպաշտոնյան խաղացել է Վինթերֆելի Սթարքերի տան ամրոցի գյուղացու դերը։ Նշվում է, որ նա մի ռեպլիկ է ունեցել։ Կերպարը, որին մարմնավորել է ԿՀՎ նախկին փոխտնօրենը, մի աման կեր է ստացել Դավոս Սիվորթից։

«Կենտրոնական հետախուզության վարչության առավելություններից մեկը ճամփորդելն է: Սակայն սա տարածվում է նաև այլ ոլորտների վրա: «Թռչնակներ», ուշադիր եղեք «Գահերի խաղի» 8-րդ սեզոնի երկրորդ սերիայի հանդեպ, որտեղ մեր նախկին փոխտնօրենը թափառում է Վեսթերոսում» ,- նշված է հաղորդագրության մեջ։

A perk of working for CIA is world travel. Apparently that sometimes extends to other realms…

“Little birds,” be on the lookout for a former deputy director of ours wandering through #Westeros in tonight’s episode of #GameOfThrones. pic.twitter.com/DBIzIFKoju

— CIA (@CIA) April 22, 2019