Վրաստանում ԱՄՆ դեսպան Քելլի Դեգնանը հանդիպեց ժողովրդական պաշտպան Նինո Լոմջարիայի հետ: Դեսպանությունն այս մասին գրում է «Facebook»-ում:

Ըստ ԱՄՆ դեսպանատան, դեսպանատունը մտահոգված է «օմբուդսմենի գրասենյակի վրա քաղաքականացված հարձակումներով, որոնք վնասում են այս կարևոր ինստիտուտը և խաթարում դրա արդյունավետությունը»:

«Դեսպան Քելլի Դեգնանը հանդիպեց ժողովրդական պաշտպան Նինո Լոմջարիային՝ ԱՄՆ դեսպանատան աջակցությունը հայտնելու նրա հիմնական աշխատանքին: Ժողովրդական պաշտպանի գրասենյակը անկախ, կենսական ինստիտուտ է Վրաստանում մարդու իրավունքների պաշտպանության և ժողովրդավարական զարգացման համար: Մենք մտահոգված ենք օմբուդսմենի գրասենյակի վրա քաղաքականացված հարձակումներով, որոնք վնասում են այս կարևոր ինստիտուտը և խաթարում դրա արդյունավետությունը: Մենք կոչ ենք անում խորհրդարանին կառուցողականորեն ներգրավվել ժողովրդական պաշտպանի գրասենյակի աշխատանքներին և աջակցել նրա դերին Վրաստանում յուրաքանչյուր քաղաքացու իրավունքների պաշտպանության գործում», – ասաց ԱՄՆ դեսպանատունը: