Մեզ այս օրը հիշեցնում է, որ պայքարն առավել լիարժեք կապի ձևավորման համար, որն ապահովում է հավասարություն և այն իրավունքների պաշտպանություն, որը ճանաչված է հռչակագրում, երբեք կանգ չի առնում,- այս մասին հայտարարել է Վրաստանում Ամերիկայի Միացյալ Նահանգների դեսպան Քելլի Դեգնանը:

Քելլի Դեգնանը խոսել է ԱՄՆ-ի անկախության օրվա 244-րդ ամյակի կապակցությամբ:

«Ես ցանկանում եմ իմ հայրենակից ամերիկացիներին և Վրաստանում մեր թանկագին բարեկամներին մաղթել ուրախ հուլիսի 4: Սա օր է, երբ ամերիկացի առաջնորդները հռչակել են անկախություն: Ամերիկացիները ԱՄՆ-ի անկախության հռչակագրի խոսքերը գրեթե անգիր գիտեն: Այդ խոսքերն այնքան կայուն են և հզոր, ինչպես 244 տարի առաջ, երբ առաջին անգամ գրվեցին հռչակագրում»,- հայտարարել է Դեգնանը:

Ինչպես նշել է Քելլի Դեգնանը, երբ ԱՄՆ-ը նշում է անկախության հռչակման 244-րդ տարելիցը, տպավորիչ է տեսնել, թե ինչ մեծ ճանապարհ է անցել, որպեսզի ԱՄՆ-ի յուրաքանչյուր քաղաքացի հավասարապես ունենա կյանքի, ազատության և երջանկության իրավունք:

«Վրաստանում անցկացված 5 ամիսներից հետո, պարզ է, որ ամերիկացիներին և վրացիերին կապում է մեծ բարեկամություն: Վրացիները նույնպես ազատության սիրահար ժողովուրդ են, դուք ստիպված եք եղել պայքարել անկախության համար: Ինձ համար մեծ պատիվ է շարունակել սերտ համագործակցությունը Վրաստանի հետ և նշել ԱՄՆ-ի ծննդյան օրը վրացի բարեկամների հետ»,- հայտարարում է Վրաստանում ԱՄՆ-ի դեսպանը: