Վրաստանի խորհրդարանի պատվիրակությունը՝ Կախա Կուճավայի գլխավորությամբ, կմասնակցի նոյեմբերի 25-30-ը Իսպանիայի մայրաքաղաք Մադրիդում նախատեսված Միջխորհրդարանական միության վեհաժողովին։

Խորհրդարանի մամուլի ծառայության հաղորդմամբ, Կախա Կուճավան կդիմի վեհաժողովի մասնակիցներին։

Նրանց խոսքով, այցի շրջանակներում նախատեսվում են պատվիրակության երկկողմ հանդիպումներ Եվրոպայի, Հարավային Ամերիկայի, Աֆրիկայի և Ասիայի երկրների ներկայացուցիչների հետ։

Հանդիպումների հիմնական թեման և նպատակը կլինի Վրաստանի ինքնիշխանության և տարածքային ամբողջականության ամրապնդումը և օկուպացված շրջանների չճանաչման քաղաքականության հաջող իրականացումը, ինչպես նաև միջազգային հանրության աջակցության կենտրոնացումը Վրաստանի անվտանգության ու զարգացման կարևոր հարցերի շուրջ:

Պատվիրակության կազմում կլինեն՝ խորհրդարանի արտաքին հարաբերությունների հանձնաժողովի նախագահ Նիկոլոզ Սամխարաձեն, Շրջակա միջավայրի և բնական պաշարների հանձնաժողովի նախագահի առաջին տեղակալ Խատիա Ծիլոսանին և «Գիրչի» կուսակցության անդամ Ալեքսանդր Ռաքվիաշվիլին։