Կարևոր է, որ կողմերը բանակցությունների միջոցով հասնեն համաձայնության. Հայաստանում ԵՄ պատվիրակություն
17:10, 22.04.2018
Հայաստանում Եվրոպական Միության պատվիրակությունը արձագանքել է Երևանում տեղի ունեցող իրադարձությունների վերաբերյալ: Պատվիրակության անդամները կոչ են անում կողմերին վերադառնալ բանակցությունների սեղանին:
Հայտարարության մեջ ասված է, որ ԵՄ-ն ողջունում է նախագահ Արմեն Սարգսյանի՝ ցուցարարների և կառավարության միջև երկխոսության հաստատմանն ուղղված նախաձեռնությունը:
Դրա հետ մեկտեղ, Եվրամիությունը մտահոգված է, որ վարչապետ Սերժ Սարգսյանի և պատգամավոր Նիկոլ Փաշինյանի այսօրվա կարճատև հանդիպմամբ չի հաջողվել կանխել լարվածության հետագա խորացումը:
Եվրոպական միությունը վերահաստատում է, որ շատ կարևոր է, որպեսզի բոլոր կողմերը ցուցաբերեն զսպվածություն և պատասխանատվություն, ինչպես նաև ձգտեն գտնել հրատապ լուծում բանակցությունների միջոցով:
