Կալանավորների նկատմամբ բռնություն գործադրելու համար դատարանը կայացրել է մեղադրական վճիռ
12:22, 06.02.2018
Թբիլիսիի քաղաքային դատարանը նվաստացնող, անմարդկային վերաբերմունքի և կտտանքների մեղադրանքի գործով 7 անձի՝ Մալխազ Խվինիաշվիլու, Օլեգ Փացացիայի, Նուգզար Մարղիայի, Զազա Խարաիշվիլու, Դավիթ Նոզաձեի, Դավիթ Չիխլաձեի և Վախտանգ Գուգուցիձեի նկատմամբ մեղադրական վճիռ է կայացրել:
Գործի նյութերի համաձայն, 2010-2012 թվականներին մեղադրյալները, որոնք 8-րդ պատժակատարողական հաստատության աշխատակիցներ էին, պարբերաբար կալանավորներին ենթարկում էին ֆիզիկական և հոգեբանական բռնության:
