Ջո Բայդենը բավականին զբաղված է և Դոնալդ Թրամփի իմփիչմենթին մեծ ժամանակ չի տրամադրի. Սպիտակ տան մամուլի քարտուղար
Ջո Բայդենը բավականին զբաղված է և Դոնալդ Թրամփի իմփիչմենթին մեծ ժամանակ չի տրամադրի. Սպիտակ տան մամուլի քարտուղար

Սպիտակ Տանը հայտարարում են, որ Ամերիկայի Միացյալ Նահանգների նախագահ, Ջո Բայդենը շատ ժամանակ չի տրամադրելու իր նախորդի, Դոնալդ Թրամփի իմփիչմենթին: Տեղեկատվությունը տարածում է «Սի Էն Էնը»:

Ինչպես ասում է Սպիտակ Տան մամուլի խոսնակ Ջեյն Փսակին, նախագահը բավականին զբաղված է, և այս շաբաթ նա ունի ծանրաբեռնված ժամանակացույց: Ըստ ժամանակացույցի, նա պետք է այցելի առողջապահության ազգային ինստիտուտ և պաշտպանության քարտուղարություն: Փսակիի խոսքով, Բայդենը կապի մեջ է լինելու ներկայացուցիչների պալատի խոսնակ, Փելոսիի և այլ կոնգրեսականների հետ:

Փսակին ասել է, որ նախագահը իմպիչմենթի գործընթացում չի մեկնաբանելու այս հարցը:

Դոնալդ Թրամփի դեմ իմպիչմենթի վարույթը Սենատում կսկսվի այսօր, փետրվարի 9-ին: ԱՄՆ-ի Կոնգրեսի ներկայացուցիչների պալատի կողմից Թրամփի իմպիչմենթի բանաձևի տեքստում նշվում է, որ նա մեղադրվում է ապստամբություն հրահրելու մեջ: Նշենք, որ Սենատի որոշումը չի բողոքարկվում:

Թողնել մեկնաբանություն