Իտալիայում, կրուիզային նավի վրա կորոնավարակի հնարավոր դեպքի պատճառով, 6000 մարդու թույլ չեն տալիս լքել նավը
«Կոստա Սմերալդա» կրուիզային նավի վրա կորոնավարակի հնարավոր դեպքի պատճառով, 6000 մարդու թույլ չեն տալիս լքել նավը:
Իտալական «Անսա» հրատարակության լրատվությամբ, հոնկոնգցի զույգը մեկուսացված է նավի բուժզննման սենյակում: Գրիպի չափավոր ախտանիշները հայտնաբերվել են միայն կնոջ մոտ, սակայն անվտանգությունից ելնելով, մեկուսացման մեջ է նաև տղամարդը:
Կորոնավարակը բացառելու նպատակով, բժիշկները սպասում են նմուշների արդյունքին, որն ուղարկվել է Հռոմի Սպալանզանի հիվանդանոց: Պատասխանները պետք է ստացվեն այսօր: Հոնկոնգյցի զույգը Միլանի Մալպենզա օդանավակայան է ժամանել հունվարի 25-ին: Կրուիզային նավի Վրա գտնվում է Չինաստանի 751 քաղաքացի: Մինչ այդ նավը կանգ է առել ՝ Մարսել, Բարսելոնա և Պալմա դե Մալյորկա նավահանգիստներում: