Իրավապահները ձերբակալել են թուրքական «Անադոլու» լրատվական գործակալության չորս աշխատակցի
Կահիրեում, «Անադոլու» լրատվական գործակալության գրասենյակում ռեյդի ժամանակ, իրավապահները ձերբակալել են թուրքական լրատվական գործակալության չորս աշխատակցի: Այս մասին հաղորդում է «Վաշինգթոն պոստը»:
Ինչպես հայտնի է ձերբակալվածների թվում Թուրքիայի մեկ քաղաքացի է: Նրանց գտնվելու վայրը դեռ անհայտ է:
Ըստ «Washington Post»-ի, Եգիպտոսի անվտանգության ուժերի ներկայացուցիչները լրատվական գործակալության գրասենյակում անջատել են անվտանգության տեսախցիկները և ինտերնետը, որից հետո խուզարկել են շենքը:
Ռեյդի ժամանակ, աշխատակիցներից խլել են անձնագրերը, բջջային հեռախոսներն ու համակարգիչները:
Դեպքի կապակցությամբ Թուրքիայի արտգործնախարարը, Թուրքիայում Եգիպտոսի դեսպանին փոխանցել է բողոքի նոտա, որից հետո պահանջել է անհապաղ ազատ արձակել Անադոլուի աշխատակիցներին:
Բացի այդ, Մևլութ Չավուշողլուն նշել է, որ ռեյդի անցկացումը առանց որևէ բացատրության դեմ է օրենքին:
Եգիպտոսի արտաքին գործերի նախարարը հայտարարել է, որ անվտանգության ուժերի ներկայացուցիչները գործել են օրենքի համաձայն: Իսկ Եգիպտոսի ներքին գործերի նախարարը ասել է, որ Անադոլուի գրասենյակում ռեյդը կապված է «Մուսուլման եղբայրների» դեմ ակտիվ պայքարի շրջանակներում: