Իրակլի Կոբախիձե. Սենատորների հետ հանդիպման ժամանակ մենք հատուկ ուշադրություն ենք դարձրել խորհրդարանի գործունեության հետ կապված գործընթացներին
Սենատորների հետ հանդիպմանը մենք հատուկ ուշադրություն ենք դարձրել խորհրդարանի գործունեության հետ կապված գործընթացներին, – ասաց «Վրացական երազանք» կուսակցության նախագահ Իրակլի Կոբախիձեն:
Նրա խոսքով, վրացական պատվիրակությունը սենատորներ Ջին Շահինին և Ռոն Ջոնսոնին մանրամասն տեղեկություններ է տրամադրել Վրաստանում զարգացող գործընթացների վերաբերյալ:
«Մենք շատ հետաքրքիր ու ընկերական հանդիպում ունեցանք սենատորներ Ջին Շահինի ու Ռոն Ջոնսոնի հետ: Ինչպես գիտեք, նրանք հատկապես հետաքրքրված են գործընթացներով, որոնք զարգանում են մեր տարածաշրջանում, մասնավորապես՝ Վրաստանում: Մենք մեկ անգամ ևս մանրամասն տեղեկություն տրամադրեցինք սենատորներին, թե ինչպես են գործընթացներն իրականացվելու տարածաշրջանում և Վրաստանում: Իհարկե, մենք հատուկ ուշադրություն ենք դարձրել երկխոսության գործընթացին, խորհրդարանի գործունեության հետ կապված գործընթացներին: Մեզ համար շատ կարևոր էր լսել մեր ընկերների կարծիքներն ու խորհուրդները: Բնականաբար, այս խորհուրդներն ու կարծիքները հաշվի կառնվեն, երբ մենք հետագա քայլեր ձեռնարկենք», – ասաց Իրակլի Կոբախիձեն:
ԱՄՆ կատարած այցի ընթացքում վրացական պատվիրակությունը հանդիպեց սենատոր Ջեյմս Ռիշի, պետդեպարտամենտի և Սպիտակ տան պաշտոնյաներ Ջորջ Քենթի և Քրիս Սմիթի, կոնգրեսականների, Վրաստանի բարեկամության խմբի ղեկավարներ Ադամ Քինզինջերի և Ջերի Քոնոլլիի հետ:
Վրացական պատվիրակության այցը ԱՄՆ կավարտվի ապրիլի 16-ին: