Իրակլի Կոբախիձե. Սահմանադրական փոփոխությունների համընդհանուր ժողովրդական քննարկումը կանցկացվի հեռուստատեսային ձևաչափում
Խորհրդարանական մեծամասնության անդամ Իրակլի Կոբախիձեի հայտարարությամբ, սահմանադրական փոփոխությունների համընդհանուր ժողովրդական քննարկումը կանցկացվի հեռուստատեսային ձևաչափում:
Ինչպես նշել է Իրակլի Կոբախիձեն, անցկացվելու է երկու հանդիպում, որտեղ հանրության համար կարվեն պարզաբանումներ սահմանադրական փոփոխությունների բովանդակության մասին:
«Ինչ վերաբերում է համընդհանուր ժողովրդական բանավեճին, երբ կավարտվի արտակարգ դրությունը, եթե դա տեղի ունենա մայիսի 22-ին, կամ գուցե 2-3 շաբաթից, դա ցույց կտան առաջիկա օրերը: Ամեն դեպքում, բավական ժամանակ ունենք, որպեսզի անցկացնենք ժողովրդական քննարկում: Բնական է, մոդիֆիկացված ձևաչափով կիրականացվի, այս քննարկումը, հավանաբար, կանցկացվի հեռուստատեսային ձևաչափում, այն իրավիճակը հաշվի առնելով, որն ստեղծվել է համավարակի պատճառով: Այս ձևաչափում կկայանա երկու հանդիպում, հանրությանը կպարզաբանենք սահմանադրական փոփոխությունների բովանդակությունը: Երբ կավարտվի համընդհանուր ժողովրդական քննարկման ժամկետը, դրանից մոտ 9-10 օր անց, կարող ենք ընդունել սահմանադրական փոփոխություններ»,- հայտարարել է Իրակլի Կոբախիձեն: