«Վրացական երազանք» կուսակցության նախագահ Իրակլի Կոբախիձեի խոսքով, ԱՄՆ-ը Վրաստանի գլխավոր ռազմավարական գործընկերն է և երկրի ինքնիշխանության և տարածքային ամբողջականության երաշխավորը:

Նրա խոսքով, ԱՄՆ-ը Վրաստանի իշխանության կայուն գործընկերն ու աջակիցն է:

«Այցի ավարտին, իհարկե, մենք կամփոփենք բոլոր հանդիպումները, այս հանդիպումներից կարվեն կոնկրետ եզրակացություններ, և մենք կգործենք ըստ այդմ: Գլխավորն այն է, որ Միացյալ Նահանգները մեր երկրի կայուն գործընկերն ու աջակիցն է, այն Վրաստանի իշխանության շատ ուժեղ գործընկերն ու աջակիցն է: Այս աջակցությունը մեզ համար շատ կարևոր է, այն մեկ անգամ ևս արձանագրվել է մինչ այժմ մեր գործընկերների հետ անցկացված հանդիպումներում: Միացյալ Նահանգների հետ սերտ համագործակցությունը երաշխիք է, որ ընդհանուր առմամբ Վրաստանում քաղաքական գործընթացը կընթանա պատշաճ կերպով: ԱՄՆ-ը մեր գլխավոր ռազմավարական գործընկերն է, որը մեր ինքնիշխանության և տարածքային ամբողջականության երաշխավորն է: Հետևաբար, պետական ​​հարաբերությունների հետագա զարգացումը բխում է մեր կենսական շահերից», – ասաց Իրակլի Կոբախիձեն, ով պաշտոնական այցով գտնվում է Վաշինգտոնում: