Վրաստանի նախկին վարչապետ Գիորգի Կվիրիկաշվիլին քվեարկել է Սաբուրթալոյում, 24-րդ ընտրատեղամասում՝ ընտանիքի հետ միասին:

«Քվեարկել եմ թեկնածուի համար և կայացրել այն որոշումը, որը թելադրված է պատասխանատվության զգացումով Վրաստանի ապագայի առջև: Իմ կարծիքով, շատ կարևոր ընտրություններ են և շատ կարևոր է ընտրությունը, որը կկատարի բնակչությունը»,- հայտարարել է Կվիրիկաշվիլին:

Լրագրողների հետ զրույցի ժամանակ Կվիրիկաշվիլին նշել է, որ քաղաքականություն վերադառնալ չի պատրաստվում և ունի շատ հետաքրքիր աշխատանք:

Կվիրիկաշվիլին մեկնաբանություն է արել նաև Արագվիի կիրճում, Քվեշեթի գյուղում իր բնակելի տան մասին, որի մասին խոսվում է հեռուստատեսային սյուժեներից մեկում:

«Ցավալի է, որ ինձանից տեղեկություն չեն ստացել կամ վերստուգել: Լրագրողն առաջնորդվել է միայն 216 թվականի հանրային ռեեստրի գրառումով: Որպեսզի առավել ստույգ տեղեկություն ստանար, առնվազն պետք է տեսներ գույքային հայտարարագրումը, որը լրացվել է 2012 թվականին և 2012 թվականին ևս նշել եմ, որ այնտեղ ոչ միայն հողամաս էր, այլ նաև տուն: Նշված է, որ տունը 250 քառակուսի մետր էր: Արդար ձևով ծառայել եմ այնտեղ, որտեղ ծառայել եմ: Վստահ եմ, սա քաղաքական ռեպորտաժ էր: Ինձ համար շատ կարևոր է, որ ճշմարտությունը պարզվի և բնակչությունը իմանա, որ իրենց վարչապետը վարչապետ լինելու ժամանակ չի հարստացել»,- նշել է Գիորգի Կվիրիկաշվիլին: