Իմ անձնական դիրքորոշումն է, որ Թբիլիսիի քաղաքապետի թեկնածուն պետք է լինի Նիկա Մելիան. Զաալ Ուդումաշվիլի
Իմ անձնական դիրքորոշումն է, որ Թբիլիսիի քաղաքապետի թեկնածուն պետք է լինի Նիկա Մելիան. Զաալ Ուդումաշվիլի

«Ազգային շարժման» անդամ Զաալ Ուդումաշվիլին հայտարարում է, որ այսօրվանից կուսակցությունը կսկսի աշխատել կարևոր հարցերի շուրջ, ներառյալ համաձայնագրի ստորագրումը:

Ինչպես նշել է Ուդումաշվիլին, կքննարկվի նաև ապագա ռազմավարությունը:

«Այսօրվանից մենք կսկսենք աշխատել կարևոր հարցերի շուրջ, որոնք կուտակվել են և պահանջում են որոշումներ կայացնել, ներառյալ, իհարկե, համաձայնագրի ստորագրման հարցը, խորհրդարան մտնելու հարցը և, որ ամենակարևորն է, ընդհանուր ընդդիմության ռազմավարության ձևավորումը, թե ինչպես ենք գնում հաջորդ ընտրություններին:

Այս ամենը ժամանակ կպահանջի, իհարկե, մեկ օրում չի լուծվի, բայց, իհարկե, այսօրվանից մենք կսկսենք խոսել ինչպես կուսակցության ներսում, այնպես էլ Նիկան կհանդիպի ընդդիմության բոլոր առաջնորդների հետ, որպեսզի ընդունվի ընդհանուր որոշում:

Վստահ եմ, որ ընդդիմությունը կկարողանա նորից համաձայնության գալ, որպեսզի այս ընտրություններին գնանք  ընդհանուր ռազմավարությամբ: Բնականաբար, դա շատ կարևոր է, և շատերը հետաքրքրված են խորհրդարան մտնելու մեջ: Սա, իհարկե, քննարկման թեմա կլինի թե՛ կուսակցության ներսում, թե՛ կուսակցությունից դուրս: Կուսակցությունում այս առումով տարբեր կարծիքներ կան, մենք կլսենք բոլոր փաստարկները և, ի վերջո, որոշում կկայացնենք», – հայտարարել է Զաալ Ուդումաշվիլին:

Ուդումաշվիլին ասում է, որ չնայած տեսակետների տարբերությանը, կուսակցությունը խորհրդարան մտնելու վերաբերյալ կկայացնի ընդհանուր որոշում:

«Ի վերջո, կուսակցությունը ընդհանուր որոշում կկայացնի: Բնականաբար, այժմ կարող են տարբեր կարծիքներ լինել, և ինչ-որ մեկը չհամաձայնվի այս որոշման հետ, բայց կուսակցությունն այն մարմինն է, որտեղ որոշումը կայացվում է մեծամասնությամբ, ապա այդ որոշումը պետք է կյանքի կոչվի: Տարբեր տարբերակներ կան, դուք կարող է մտնեք խորհրդարան և չստորագրեք համաձայնագիրը, մենք շատ դիտողություններ ունենք այս համաձայնագրի վերաբերյալ, և այս ամենը կքննարկվի առաջիկա օրերին», – հայտարարել է Ուդումաշվիլին:

Ինչ վերաբերում է քաղաքապետի թեկնածուին, Ուդումաշվիլին ասում է, որ իր դիրքորոշումն այն է, որ Նիկա Մելիան պետք է լինի Թբիլիսիի քաղաքապետի թեկնածուն, սակայն այդ հարցի շուրջ նախ պետք է խորհրդակցություններ անցկացվեն, իսկ դրանից հետո որոշում կայացվի:

«Ես հիմա ոչ մի բան չեմ կարող ասել, բայց իմ անձնական դիրքորոշումն այն է, որ եթե այսօր ինչ-որ մեկի մասին կարելի է խոսել Թբիլիսիի քաղաքապետի թեկնածու լինելու մասին, իհարկե, դա պետք է լինի Նիկա Մելիան, քանի որ նա քաղաքական գործիչ է, որն ուժ ունի հաղթելու «Վրացական երազանքի» ցանկացած թեկնածուի, ով էլ որ լինի, սակայն այս հարցն այսօր օրակարգում չէ, քանի դեռ մենք չենք խորհրդակցել այլ ընդդիմադիր կուսակցությունների հետ», – ասել է Զաալ Ուդումաշվիլին:

Թողնել մեկնաբանություն