Իլիա Երկրորդը մկրտելու է ևս 708 երեխայի
14:03, 18.01.2018
Համայն Վրաստանի կաթողիկոս պատրիարքը մկրտելու է ևս 708 երեխայի:
Ինչպես Առաջին ալիքին հայտնել են պատրիարքարանից, 52-րդ համընդհանուր մկրտությունը կայանալու է հունվարի 21-ին՝ Սամեբայի աթոռանիստ տաճարում:
Կիրակի, օրվա երկրորդ կեսին կսկսվի մկրտությունը և մկրտվածներին որպես նվեր կփոխանցվեն մկրտության վկայականներ և խաչեր:
20:00-ին տաճար կայցելի Սրբազնագույնը և կօրհնի իր սանիկներին:
Այս պահի դրությամբ, Վրաստանի կաթողիկոս-պատրիարքը արդեն մկրտել է 33 934 երեխայի, նրանք պսակադրված զույգերի երրորդ և հաջորդ երեխաներն են:
Առաջին անգամ պատրիարքի նախաձեռնությամբ, համընդհանուր մկրտությունն անցկացվեց 2008 թվականի հունվարի 19-ին, որի նպատակը ժողովրդագրական իրավիճակի բարելավումն էր:
