Իլիա Երկրորդ. Մեկ անգամ ևս կոչ եմ անում բոլորիդ, լինենք միասին, անենք նույն գործը
Իլիա Երկրորդ. Մեկ անգամ ևս կոչ եմ անում բոլորիդ, լինենք միասին, անենք նույն գործը

Աստված Վրաստանին տվեց ծանր խաչ, որը վրաց ժողովուրդը պետք է հասցնի Գողգոթա, սակայն պետք է հիշենք, որ Գողգոթայով չի ավարտվում մեր խաչը կրելը, Գողգոթային հետևում է խաչելությունը, այնուհետև՝ հարությունը,- այս մասին հայտարարել է Համայն Վրաստանի կաթողիկոս-պատրիարք Իլիա Երկրորդը՝ Սիոնիի տաճարում քարոզելիս, Մարիամոբա տոնի կապակցությամբ:

Իլիա Երկրորդը հոգևորականների հետ մատուցում է պատարագ: Պատրիարքը Վրաստանի քաղաքացիներին շնորհավորել է Մարիամոբա տոնի առթիվ:

«Աստված Վրաստանին տվել է խաչ, սակայն նաև տվել ուժ, որպեսզի կրենք այս ծանր խաչը: Պետք է բոլորս միասին հավաքվենք և մինչև վերջ տանենք այս խաչը: Չմտածենք այն մասին, ով է ումից առավել: Մենք այն ենք, ինչ կանք: Մեկ անգամ ևս կոչ եմ անում բոլորիդ, լինենք միասին, անենք նույն գործը:

Իլիա Ճավճավաձեն ասաց. Հայրենիք, լեզու, հավատք: Մենք ավելացնում ենք՝ Աստված, հայրենիք և մարդ: Փառք և շնորհակալություն Աստծուն, որ Աստված մեզ շնորհեց ունակություն զգալու, որ առաջինն Աստված է, երկրորդը՝ հայրենիքը և երրորդը՝ մարդը:

Մեկ անգամ ևս շնորհավորում եմ բոլորիդ՝ այս տոնի կապակցությամբ: Վրաց մարդը գիտակցում է, Աստված Վրաստանին տվեց ծանր խաչ, որը վրաց ժողովուրդը պետք է հասցնի Գողգոթա, սակայն պետք է հիշենք, որ Գողգոթայով չի ավարտվում մեր խաչը կրելը, Գողգոթային հետևում է խաչելությունը, այնուհետև՝ հարությունը»,- հայտարարել է Իլիա Երկրորդը: