Հյուսիսատլանտյան դաշինքը ՆԱՏՕ-ին անդամակցելու համար կշարունակի Վրաստանին օգնել նաև ապագայում,- այս մասին հայտարարել է Ենս Սթոլթենբերգը՝ «Ժառանգություն» հիմնադրամի սեմինարին անցկացված մամլո ասուլիսին:

Հյուսիսատլանտյան դաշինքի գլխավոր քարտուղարի խոսքով, Վրաստանի համար ՆԱՏՕ-ն կարևոր է, այնպես ինչպես ՆԱՏՕ-ի համար Վրաստանը, ուստի կողմերի միջև գործընկերության խորացումը կշարունակվի սովորական ռեժիմում:

Մամլու ասուլիսին խոսելիս Հյուսիսատլանտյան դաշինքի գլխավոր քարտուղարը հիշել է հուլիսին անկացված ՆԱՏՕ-ի գագաթնաժողովը, որտեղ հանդիպել է Վրաստանի նախագահին: Նրա խոսքով, Գիորգի Մարգվելաշվիլու հետ ունեցել է շատ լավ հանդիպում:

Ենս Սթոլթենբերգը նշել է, որ հենց այդ գագաթնաժողովին է ընդգծվել, որ Վրաստանը պարտադիր կդառնա ՆԱՏՕ-ի անդամ, հավելելով, որ անդամակցելու համար անհրաժեշտ բարեփոխումների իրագործման նպատակով դաշինքն աջակցում է Վրաստանին: