Բելգիայի Թագավորությունում և Լյուքսեմբուրգի Մեծ Դքսությունում Վրաստանի արտակարգ և լիազոր դեսպան և Եվրամիության հետ Վրաստանի առաքելության ղեկավար Նատալյա Սաբանաձեի հայտարարությամբ, Եվրոպական խորհրդի նախագահ Շառլ Միշելը Վրաստան կատարած այցի շրջանակներում կայցելի բռնազավթված գծի մոտ:

Նրա խոսքով, այցից հետո իրենք հատկապես ակընկալում են Եվրոպական խորհրդի նախագահի անձնական աջակցությունը:

«Սա Շառլ Միշելի առաջին այցն է Վրաստան, ընդհանուր առմամբ տարածաշրջան: Մենք շատ ուրախ ենք, որ նա գալիս է, քանի որ երկար ժամանակ համավարակի պատճառով ոչ մի այցելություն չէր կատարվում: Շառլ Միշելը այցելում է ասոցացված երեք երկրներ, ինչը նույնպես ուղերձ է: Նա կունենա շատ հագեցած օր, որի ընթացքում կուղևորվի բռնազավթված գծի մոտ, ​​ինչպես նաև կդիտի Եվրամիության կողմից ֆինանսավորվող նախագծերից մեկը և կհանդիպի ինչպես կառավարության, այնպես էլ ընդդիմության ներկայացուցիչների հետ: Հուսանք, որ նա կստանա ամբողջական պատկերացում այն ​​մասին, թե ինչ է կատարվում Վրաստանում, ինչպես են տեղի ունենում զարգացումները, իրադարձությունները: Այս այցից հետո մենք ավելի շատ հույս ունենք նրա անձնական աջակցության», – ասել է Նատալյա Սաբանաձեն:

Մեկնարկել է Եվրոպական խորհրդի նախագահ Շառլ Միշելի այցը Վրաստան: