Հայաստանի Ազգային անվտանգության ծառայության շենքի դիմաց հավաքված ցուցարարների և ոստիկանության միջև տեղի է ունեցել բախում:

Տեղեկությունը տարածում է հայկական մամուլը:

Ոստիկանությունը ցույցի ժամանակ արտակարգ դրության կարգը խախտելու համար ձերբակալել է 89 մարդ:

Ըստ տարածված տեղեկությունների՝ ձերբակալվածների թվում են նաև «Բարգավաճ Հայաստան» կուսակցության անդամները:

«Բարգավաճ Հայաստան» կուսակցության առաջնորդ Գագիկ Ծառուկյանի կողմնակիցները առավոտվանից հավաքվել են Ազգային անվտանգության ծառայության շենքի դիմաց:

Նրանք պահանջում են երկրի վարչապետ Նիկոլ Փաշինյանի հրաժարականը:

Տեղեկացնենք, որ «Բարգավաճ Հայաստան» կուսակցության առաջնորդ Գագիկ Ծառուկյանն Ազգային անվտանգության ծառայություն է կանչվել հարցաքննության:

Համաձայն տարածված վարկածի՝ Ծառուկյանին մեղադրում են ընկերությունների ապօրինի գործողությունների մեջ, կուսակցության ղեկավարն ինքը հերքում է մեղադրանքը և հայտարարում, որ գործը քաղաքական դրդապատճառ ունի:

Հեղինակ՝   Անժելլա Սարոյան