Հայաստան, Ռուսաստանը միշտ քեզ հետ է. Մարիա Զախարովա
Հայաստանում զարգացած վերջին իրադարձություններին «ֆեյսբուկ» սոցիալական ցանցում արձագանքել է Ռուսաստանի ԱԳՆ պաշտոնական ներկայացուցիչ Մարիա Զախարովան:
«Ժողովուրդը, որն անգամ իր պատմության ամենաբարդ պահերին ուժ ունի չպառակտվելու և չնայած արմատական տարաձայնություններին կարող է պահպանել միմյանց նկատմամբ հարգանքը՝ մեծ ժողովուրդ է: Հայաստան, Ռուսաստանը միշտ քեզ հետ է»,-գրել է Զախարովան:
Սերժ Սարգսյանը հրաժարական տվեց մի քանի ժամ առաջ: Պաշտոնից հեռանալու կապակցությամբ նա տարածել է հայտարարություն, որտեղ ասում է, որ հեռանում է պաշտոնից և, որ ընդիմադիր Նիկոլ Փաշինյանը ճիշտ էր:
Երևանում Սերժ Սարգսյանի պաշտոնաթողության պահանջով ցույցերը ընթանում էին մի քանի օր:
Հեղինակ -
Edgar Barsegyan