Հարցված բնակչության գրեթե 54 տոկոսն ընտրության դեպքում կպատվաստվեր «Pfizer»-ով
Հարցված բնակչության գրեթե 54 տոկոսն ընտրության դեպքում կպատվաստվեր «Pfizer»-ով

Վիճակագրության ազգային ծառայության գրասենյակի կողմից անցկացված հարցման համաձայն՝ հարցվածների տոկոսային մասը, ովքեր ստացել են COVID-19 պատվաստանյութի առնվազն առաջին դեղաչափը և ունեցել որևէ կողմնակի ազդեցություն, կազմում է 37,2 տոկոս։

Կողմնակի ազդեցություններից, որոնք առավել հաճախ հաղորդվել են 38,6 տոկոսի մոտ եղել են հոգնածությունը, 33,0 տոկոսը՝ տեղայնացված ցավը, 30,2 տոկոսը՝ ջերմություն, 27,9 տոկոսը՝ հոդացավ, 16,9 տոկոսը՝ գլխացավ, 12,6 տոկոսը՝ գանգատվել է մկանային ցավերից, 7,1 տոկոսը՝ բարձր արյան ճնշում: Տեղական կարմրության մասին հայտնել է հարցվածների 4,7 տոկոսը, անհանգստություն՝ 4,6 տոկոս, սրտխառնոց՝ 3,6 տոկոս, փսխում ՝ 1,6 տոկոս, տեղական ավշային հանգույցների այտուցվածություն՝ 1,1 տոկոս, տեղային այտուց՝ 0,5 տոկոս և փորլուծություն՝ 0,1 տոկոս:

Միևնույն ժամանակ, ըստ Վիճակագրության ազգային ծառայության հետազոտության արդյունքների, հարցվածների 53,8 տոկոսը, ովքեր չեն ստացել COVID-19 պատվաստանյութը և մեծ հավանականություն կա կամ ակնկալվում է, որ կպատվաստվեն, եթե ընտրության հնարավորություն ունենային, 53.8 տոկոսը կպատվաստվեր Ֆայզերով, 31.9 տոկոսը՝ Սինոֆարմով, 12 տոկոսը՝ Սինովակով և 3.1 տոկոսը՝ Աստրազենեկայով:

Եվ որպես COVID-19 պատվաստանյութ ստանալ չցանկանալու կամ չորոշելու պատճառ, հարցվածների 36,8 տոկոսը նշում է պատվաստանյութի կողմնակի ազդեցությունները, 35,8 տոկոսը կարծում է, որ պատվաստանյութը չափազանց նոր է, շատ արագ է մշակվել և բավարար փորձ չունի, 32,1 տոկոսը առողջական խնդիրներն է անվանում հիմնական կոնկրետ ապրանքանիշերի նկատմամբ, 12,4 տոկոսը կարծում է, որ պատվաստանյութը հանգեցնում է մահվան կամ անպտղության, 8,6 տոկոսը նշում է ալերգիա որոշակի դեղամիջոցների նկատմամբ, 7,9 տոկոսը՝ COVID-19-ով վարակված լինելու արդյունքում մշակված իմունիտետ, հարցվածների 4,6 տոկոսը կարծում է, որ COVID-ի սպառնալիքը ուռճացված է։

Հարցման համաձայն՝ այն հարցին, թե արդյոք անհանգստացած են, որ իրենք կամ իրենց ընտանիքի անդամը կարող է լրջորեն հիվանդանալ COVID-19-ից, հարցվածների 46,6 տոկոսն ասել է, որ շատ անհանգստացած է, 36,3 տոկոսը՝ չափավոր, 9,2 տոկոսը՝ քիչ թե շատ, 3,3 տոկոսը՝ մի փոքր, իսկ 3,0 տոկոսը ընդհանրապես չի անհանգստանում։

Թողնել մեկնաբանություն