Գուդաուրի-Կոբի հատվածում ավտոտրանսպորտի տեղաշարժը արգելված է

11:28, 24.03.2019

Վրաստանի տարածաշրջանային զարգացման և ենթակառուցվածքների նախարարության, ավտոմոբիլային ճանապարհների դեպարտամենտի լրատվությամբ, միջավայրի ազգային գործակալության տվյալներով, միջազգային կարևորություն ունեցող Մցխեթա-Ստեփանծմինդա-Լարս (Ռուսաստանի դաշնության սահման) ավտոմոբիլային ճանապարհի ՝ Գուդաուրի (Փոստա) – Կոբի հատվածում ձնահոսքի վտանգի և ինտենսիվ ձյան տեղումների պատճառով, արգելվել է բոլոր տեսակի ավտոտրանսպորտի տեղաշարժը:

Միջավայրի ազգային գործակալության լրատվությամբ, Մլեթա-Գուդաուրի (Քվեմո Մլեթայից մինչև 85 կմ.) հատվածում ավտոտրանսպորտի տեղաշարժը թույլատրվում է միայն առանց դադարի ռեժիմով:

Նշված ռեժիմով տեղաշարժը իրականացվում է պարեկային ոստիկանության վերահսկողությամբ:

ճանապարհի այլ հատվածներում ավտոտրանսպորտի տեղաշարժը ազատ է:

Հեղինակ - edgar barsegyan

Հասարակական

გუდაური-კობი

Սահմանափակումներ ճանապարհներին