Գտնում եմ ութ տարին բավարար է, որ մարդը ղեկավարի մեկ համակարգը, սպասենք «վրացական երազանքի» որոշմանը
Գտնում եմ ութ տարին բավարար է, որ մարդը ղեկավարի մեկ համակարգը, սպասենք «վրացական երազանքի» որոշմանը

Վրաստանի արդարադատության նախարար Թեա Ծուլուկիանին լրագրողների հետ զրուցել է 2020 թվականի քաղաքական ծրագրերի մասին, և հայտարարել, որ պատրաստվում է ապագայում մնալ քաղաքականությունում «Վրացական երազանքի» հետ միասին, եթե թիմը կցանկանա:

Սակայն Թեա Ծուլուկիանին չի կարող այսօր ասել, արդյոք նա կգլխավորի արդարադատության նախարարությունը 2020 թվականի ընտրություններից հետո:

«Ինչ վերաբերում է իմ քաղաքական ապագային, եթե լինի «վրացական երազանքի» ցանկությունը, ես պատրաստ եմ մնալ քաղաքականությունում մեջ նրանց հետ միասին:

Ինչ վերաբերում է արդարադատության նախարարությանը, 2020 թվականի ընտրություններից հետո կլրանա իմ և իմ թիմակիցների համար արդարադատության համակարգում աշխատելու ութ տարին: Անձամբ ես գտնում եմ, որ ութ տարին բավարար է, որ մարդը ղեկավարի մեկ համակարգը, սպասենք «վրացական երազանքի» որոշմանը: Մինչ այդ մենք իրականացնելու ենք մի քանի կարևոր բարեփոխում, որոնք պետք է ավարտին հասցվեն: Ես, որպես «Վրացական երազանքի» քաղաքական պաշտոնյա, պատրաստվում եմ ներգրավված լինել «Վրացական երազանքի» նախընտրական քարոզարշավում և հավատում եմ, որ արդարադատության նախարարությունը և պատժակատարողական ողջ համակարգը, ապագայում կրկին մարդու իրավունքների պաշտպանության վրա կողմնորոշված կառավարվելու է հենց վրացական երազանքի ներկայացուցիչների կողմից: Ես հավատում եմ դրան»,- ասել է Թեա Ծուլուկիանին:

Ինչ վերաբերում է ընտրական քարոզարշավի ընթացքում նա հրաժարական կտա թե ոչ, Ծուլուկիանին ասել է, որ իրավունք ունի զբաղեցնել նախարարի պաշտոնը և միևնույն ժամանակ, ակտիվորեն մասնակցել նախընտրական քարոզարշավին:

Թողնել մեկնաբանություն