Գլխավոր դատախազի պաշտոնում Իրակլի Շոթաձեի թեկնածությունը քվեարկության կդրվի առանց քննարկումների
Գլխավոր դատախազի պաշտոնում Իրակլի Շոթաձեի թեկնածությունը, լիագումար նիստում կքվեարկության կդրվի առանց քննարկման: Այս մասին որոշումն ընդունվել է խորհրդարանի բյուրոյի նիստում: Նշված առաջարկությամբ հանդես է եկել խորհրդարանի իրավական հարցերով հանձնաժողովի նախագահ, Անրի Օխանաշվիլին:
«Երեկ մենք յոթ ժամ լսել ենք գլխավոր դատախազի թեկնածուին: Իրավաբանական հարցերով հանձնաժողովը ներդրել է ևս մեկ բարձր չափանիշներով քննարկման ընթացակարգ՝ գլխավոր դատախազին ընտրելու գործընթացում: Հետևաբար, բոլոր շահագրգիռ կողմերը ՝ լինեն դրանք խորհրդարանական մեծամասնությունից, թե խորհրդարանական ընդդիմությունից, լիարժեք հնարավորություն ունեցան հարցեր տալ և մանրամասն պատասխաններ ստանալ:
Մենք հնարավորություն տվեցինք նաև քաղաքացիներին, որ ոչ միայն ներկա գտնվեին նիստին, այլ նաև հարցեր առաջադրեին թեկնածուին: Հետևաբար բավականին երկար գործընթաց էր: Մենք ապահովել ենք քվեարկության կանոնակարգով անցկացումը: Հետևաբար, քանի որ այդպիսի մանրամասն քննարկում տեղի ունեցավ, ես բյուրոյին կխնդրեի այդ հարցը կանգնեցնել միայն լիագումար նիստին, և այլևս նպատակահարմար չէ այն դարձնել քաղաքական հարց: Եթե որևէ մեկը ցանկություն և հետաքրքրություն ուներ, ներառյալ այն ընդդիմությունը, ովքեր երեկ ներկայացում կազմակերպեցին հնարավորություն ունեին մասնակցել հանձնաժողովի նիստին:
Հետևաբար, առաջին ընթերցմամբ սահմանված կարգով, այս հարցը քվեարկության կդնենք լիագումար նիստում: Դրանով մենք կարող ենք ավարտել այս շատ կարևոր գործընթացը»,- ասել է Անրի Օխանաշվիլին:
Քվեարկությունը տեղի կունենա օրվա երկրորդ կեսին: Իրակլի Շոթաձեին գլխավոր դատախազ ընտրելու համար անհրաժեշտ է 76 պատգամավորի աջակցություն: