Գիշերվա ժամերին տեղաշարժման սահմանափակման թեթևացման կամ վերացման մասին քննարկումներ չեն ընթանում. Նաթիա Թուրնավա
Գիշերվա ժամերին տեղաշարժման սահմանափակման թեթևացման կամ վերացման մասին քննարկումներ չեն ընթանում. Նաթիա Թուրնավա

Գիշերային ժամերին տեղաշարժման սահմանափակումը մեղմացնելու կամ վերացնելու վերաբերյալ քննարկումներին պետք է նախորդի մեծ վերլուծություն, քանի որ մենք չենք կարող միասին ամեն ինչ մեղմել, այդ մասին քննարկումներ դեռ չեն եղել,- այս մասին Միջգերատեսչական համակարգող խորհրդի նիստից հետո կայացած ճեպազրույցին, հայտարարել է Վրաստանի էկոնոմիկայի նախարար Նաթիա Թուրնավան:

Նրա խոսքով, կան ոլորտներ, որոնք համակարգող խորհուրդը կքննարկի առաջին հերթին: Նախարարի հայտարարությամբ, մեկ անզգույշ քայլը կարող է նորից խնդիրներ առաջացնել:

«Ամենակշեռք ունեցող միջոցներից մեկը, որը խորհրդի որոշմամբ իրականացրեցինք անցած տարվա նոյեմբերին, և երբ սահմանեցինք այս կետային սահմանափակումները, գիշերային ժամերին տեղաշարժի արգելքն էր: Ես դա չէի անվանի պարետային ժամ, այն շատ ավելի կոշտ բան է: Այս որոշման, այս սահմանափակման շնորհիվ է, որ մենք այսօր կարող ենք խոսել մեղմացման մասին և միանշանակորեն ասել, որ դա այնպիսի արգելող միջոց էր, որը ինչպես նաև այլ երկրներում, մեզ մոտ նույնպես տվեց իր դրական արդյունքը: Իհարկե, դրա մեղմացման կամ վերացման քննարկմանը պետք է նախորդի հսկայական վերլուծություն, քանի որ մենք չենք կարող ամեն ինչ միասին մեղմել: Այս մասին դեռ քննարկում չկա, մենք քննարկում ենք հետագա քայլերը, կան դեռ բիզնեսի ոլորտներ, որտեղ մենք չենք թուլացրել մոտեցումը և դեռ չենք կարող բացել մանկապարտեզները, ֆիթնես արդյունաբերություն և մարզական հաստատությունները: Այնուամենայնիվ, այդ երկու ոլորտները ներառեցինք «Արտադրիր Վրաստանում» ծրագրի վարկերի սուբսիդավորման տեսանկյունից, բայց դա բավարար չէր: Մենք առաջին հերթին քննարկելու ենք այս ոլորտները, ինչպես նաև միջքաղաքային տրանսպորտի հարցը, իսկ գիշերային ժամերին տեղաշարժի հարցը հանաբար կքննարկենք ավելի ուշ: Մի շտապեք, քանի որ մեկ անզգույշ քայլը կարող է հետագայում խնդիրներ առաջացնել և ստիպել մեզ հետ պահանջել այն, ինչը շատ չենք ցանկանում», – հայտարարել է Նաթիա Թուրնավան:

Թողնել մեկնաբանություն