Վրաստանի վարչապետ Գիորգի Գախարիան, պաշտպանության նախարար Իրակլի Ղարիբաշվիլիի, ներքին գործերի նախարար Վախտանգ Գոմելաուրիի, պետական անվտանգության ծառայության պետ Գրիգոլ Լիլուաշվիլիի և վետերանների գործերի պետական ծառայության տնօրեն Վլադիմեր Իմնաձեի հետ միասին այցելել է Թբիլիսիում, Վլադիմեր Սանիկիձեի անվան պատերազմի և պաշտպանության ուժերի վետերանների նորացված հոսպիտալը:
Կառավարության աշխատակազմի մամուլի ծառայության հաղորդմամբ, ժամանակակից չափանիշներով և նորագույն տեխնոլոգիաներով հագեցած հիվանդանոցը, որն ընդգրկում է ամբուլատոր և բժշկական-ախտորոշիչ կենտրոն՝ ցերեկային ստացիոնարով, վետերաններին այսուհետ անվճար կսպասարկի նոր հասցեով՝ Սպիրիդոն Կեդիայի N7:
Վետերանների գործերի պետական ծառայության տնօրեն Վլադիմեր Իմնաձեի տեղեկությամբ, քանի որ Իամանիձեի փողոցում գտնվող վետերանների հիվանդանոցի շենքն այլևս հնարավոր չէր վերականգնել, վետերանների գործերի պետական վարչություն տեղափոխվելուց հետո մշակվեց ռազմավարական վերականգնման պլան:
«Գերատեսչությանը հոսպիտալի համար Կեդիայի փողոցի շենքում գտնվող շենքի 1500 քառակուսի մետր տարածքը տրամադրել է Պաշտպանության նախարարությունը, իսկ հիվանդանոցը բժշկական սարքավորումներով վերազինելու գործընթացում օգնություն են ցուցաբերել, ինչպես առողջապահության նախարարությունը, այնպես էլ ամերիկացի գործընկերները: Վարչապետը նշել է, որ վետերանների խնամքը և նրանց համապատասխան բժշկական ծառայություններ տրամադրելը պետության պարտականությունն է, և ապագայում այդ աջակցությունը կշարունակվի: Հիվանդանոցը հիմնադրվել է 1978 թվականին, վրացի ռազմական բժիշկ, գնդապետ Վլադիմեր Սանիկիձեի կողմից: Բազմամասնագիտական հիվանդանոցը տարիներ շարունակ սպասարկել է պատերազմի և պաշտպանության ուժերի վետերաններին, բարձր որակավորում ունեցող անձնակազմով: Հիվանդանոցի անձնակազմը հիմնականում սպաներ են, նրանց մեծ մասը պատերազմի և պաշտպանության ուժերի վետերաններ են: Նրանց թվում կան ռազմական բժիշկներ, բուժքույրեր, ովքեր տարիներ շարունակ ծառայել են վետերանների առողջությանը»,- ասված է կառավարության վարչակազմի հայտարարության մեջ:
