«Եվրոպական Վրաստան»-ի առաջնորդներից մեկին, Գիգի Ուգուլավային տեղափոխել են N9 պատժակատարողական հիմնարկ, այսպես կոչված Մատրոսովի բանտ: Այս մասին Վրաստանի առաջին ալիքին ասել է Ուգուլավայի փաստաբան՝ Բեքա Բասիլաիան:
Ուգուլավային բանտ են տեղափոխել ներքին գործերի նախարարությունից, ուր նա ներկայացել էր անձամբ:
Վրաստանի գերագույն դատարանը Գիգի Ուգուլավային մեղավոր է ճանաչել Թբիլիսիի զարգացման հիմնադրամի գործով: Գերագույն դատարանը Ուգուլավային դատապարտել է երեք տարի երկու ամսով ազատազրկման:
Այսպես կոչված հիմնադրամի գործով, Գիգի Ուգուլավան մեղադրվում էր Թբիլիսիի զարգացման հիմնադրամից 48 միլիոն լարիի յուրացման մեջ: Նշված գործով Թբիլիսիի քաղաքային դատարանը 2018 թվականի փետրվարի 28-ին Գիգի Ուգուլավային դատապարտել էր մեկ տարի երեք ամսով ազատազրկման, սակայն այդ պատիժը միացվել էր մեկ այլ պատժի հետ: Որոշումը վերին ատյանում բողոքարկել էր դատախազությունը: