Ֆրանսիայում հայտարարվել է արտակարգ դրություն
Ֆրանսիայում հայտարարվել է արտակարգ դրություն

Ֆրանսիայում «կովիդ 19»-ի տեսանկյունից ստեղծված իրավիճակի պատճառով, հանրային առողջապահության ուղղությամբ հայտարարվել է արտակարգ դրություն, որը կառավարությանը ավելի մեծ իրավունք է տալիս սահմանափակումներ մտցնել կորոնավիրուսի տարածումը կանխելու նպատակով: Արտակարգ դրությունն ուժի մեջ կմտնի հոկտեմբերի 17-ից:

Կառավարության հայտարարության մեջ չի նշվում, թե Ֆրանսիայի կառավարությունն ինչ միջոցառումներ է նախատեսում ձեռնարկել:

Տարածված հաղորդագրությամբ, մանրամասների մասին խոսելու է երկրի նախագահ Էմանուել Մակրոնը, որի ուղերձը կտարածվի մի քանի ժամից:

Ըստ ֆրանսիական լրատվամիջոցների, սահմանափակումներից մեկը կլինի պարետային ժամը, որը, ինչպես սպասվում է, կգործի 21:00-ից 06:00-ն: