Ֆրանսիան Վրաստանը համարում է իր արտոնյալ գործընկերներից մեկը. Ժան Կաստեքս
Ֆրանսիան Վրաստանը համարում է իր արտոնյալ գործընկերներից մեկը. Ժան Կաստեքս

Ֆրանսիան Վրաստանը համարում է իր արտոնյալ գործընկերներից մեկը և մենք կենտրոնացած ենք օգնելու նրան, ամրապնդել իր կապերը Եվրամիության և ՆԱՏՕ-ի հետ,- այս մասին Ֆրանսիայի վարչապետ Ժան-Կաստեքսը նշում է  Գիորգի Գախարիային ուղղված նամակում, որտեղ կառավարության ղեկավարին շնորհավորում է վերանշանակման կապակցությամբ:

Ֆրանսիայի վարչապետի շնորհավորական նամակում նշվում է, որ Ֆրանսիան վճռականորեն սատարում է Վրաստանի տարածքային ամբողջականությանը և ինքնիշխանությանը, նրա միջազգայնորեն ճանաչված սահմաններում:

«Պարոն վարչապետ, քանի որ դուք նոր եք հաստատվել որպես վարչապետ, ես ուրախ եմ շնորհավորել ձեզ վերանշանակման կապակցությամբ այն ժամանակ, երբ ձեր երկիրը, ինչպես նաև մեր երկիրը, բախվել է համավարակաբանական և տնտեսական մարտահրավերներին, աշխարհում, որտեղ կասկածի տակ են դրվում մեր ժողովրդավարական արժեքները և միջազգային հարաբերությունները: Այն դառնում է ավելի ու ավելի անկանխատեսելի: Այս իրավիճակում ես ուրախ եմ հաստատել, որ Ֆրանսիան Վրաստանը համարում է իր արտոնյալ գործընկերներից մեկը և որ մենք կենտրոնացած ենք օգնելու նրան ամրապնդել իր կապերը Եվրամիության և ՆԱՏՕ-ի հետ: Հատկապես, որ ձեր երկիրն օրինակելի դեր է խաղում «Արևելյան գործընկերության» մեջ: Դեկտեմբերի 12-ի հաղորդագրությունում Ֆրանսիային և Գերմանիային հնարավորություն տրվեց ընդգծելու այն կարևորությունը, որին շնորհում են Վրաստանի ժողովրդավարական ինստիտուտների ամրապնդման և ձեր երկրի նախաձեռնած հավակնոտ բարեփոխումները շարունակելու գործում: Նրանք նաև հնարավորություն ստացան հիշելու իրենց ուժեղ աջակցությունը Վրաստանի տարածքային ամբողջականության և ինքնիշխանության հանդեպ, նրա միջազգային ճանաչված սահմաններում:  Կարող եմ հավաստիացնել, որ մենք այս դիրքորոշումն արտահայտում ենք գրեթե յուրաքանչյուր ֆորումում: Վերջապես, ես կցանկանայի, որ 2021 թվականին մենք կարողանայինք անցկացնել Ֆրանսիայի և Վրաստանի միջև երկկողմ ռազմավարական երկխոսության երկրորդ հանդիպումը, որը մենք բացեցինք 2019 թվականի դեկտեմբերի 2-ին Փարիզում: Պարոն վարչապետ, ևս մեկ անգամ շնորհավորում եմ ձեզ և խնդրում եմ հավատալ իմ խորին հարգանքին»,- շնորհավորական նամակում նշել է Ֆրանսիայի վարչապետը:

Տեղեկատվությունը տարածում է Վրաստանի վարչապետի մամուլի ծառայությունը:

Թողնել մեկնաբանություն