Ֆրանսիան հյուրընկալում է Մեծ յոթնյակի գագաթնաժողովը
Ֆրանսիան հյուրընկալում է Մեծ յոթնյակի գագաթնաժողովը

Ֆրանսիայի Բիարից քաղաքը հյուրընկալում է Մեծ յոթնյակի գագաթնաժողովը: Միջազգային ֆորումը մեկնարկելու է այսօր և շարունակվելու մինչև օգոստոսի 26-ը:

47-րդ գագաթնաժողովին աշխարհի մեծագույն էկոնոմիկա ունեցող պետությունների առաջնորդները միմյանց հետ անցկացնելու են հանդիպումներ:

Ինչպես հայտնի է, առաջնորդները քննարկելու են ԱՄՆ-ի և Չինաստանի միջև առկա առևտրական պատերազմը, Իրանի միջուկային պայմանագիրը և Հոնգ Կոնգում առկա վիճակը: Օրեր առաջ Էմանուել Մակրոնը Մեծ յոթնյակի գագաթնաժողովին Ամազոնի անտառում բռնկված հրդեհը քննարկելու նախաձեռնությամբ էր հանդես եկել: Ինչպես նշել էր Ֆրանսիայի նախագահը, աշխարհի ամենամեծ արևադարձային անտառում բռնկված հրդեհը միջազգային ճգնաժամ է:

Հատկանշական է, որ Միացյալ Թագավորության նոր վարչապետի ընտրությունից հետո Մեծ Յոթնյակի գագաթնաժողովին Բորիս Ջոնսոնը առաջին անգամ կհայտնվի միջազգային արենայում:

Գագաթնաժողովի ավարտին Մեծ յոթնյակի ադամ պետությունների առաջնորդները հանդես կգան համատեղ հայտարարությամբ:

Թողնել մեկնաբանություն