Ֆիլիպ Ռիքեր. Հարավային Կովկասի բոլոր երեք պետություններում մենք աջակցում ենք զարգացումը, տնտեսությունը, այդ երկրների ժողովուրդների ձգտումները՝ ունենալ կայուն, խաղաղ ու խոստումնալից ապագա
Ֆիլիպ Ռիքեր. Հարավային Կովկասի բոլոր երեք պետություններում մենք աջակցում ենք զարգացումը, տնտեսությունը, այդ երկրների ժողովուրդների ձգտումները՝ ունենալ կայուն, խաղաղ ու խոստումնալից ապագա

ԱՄՆ-ի համար կարևոր է աշխատել տարածաշրջանի իր գործընկերների հետ, որոնց հետ ունի երկար տարիների փորձ, բոլոր երեք երկրների հետ,- ասում է Վրաստանում այցով գտնվող ԱՄՆ պետքարտուղարի օգնականի պաշտոնակատար Ֆիլիպ Ռիքերը:

«Հարավային Կովկասի բոլոր երեք պետություններում մենք աջակցում ենք զարգացումը, տնտեսությունը, այդ երկրների ժողովուրդների ձգտումները՝ ունենալ կայուն, խաղաղ ու խոստումնալից ապագա: Ես ուրախ եմ և պատիվ է, որ այստեղ վերադարձել եմ որպես Բայդեն-Հարիս և Բլինկեն վարչակազմերի ներկայացուցիչ, որտեղ ես եղել և հնարավորություն եմ ունեցել քննարկելու մեր դերը, մեր գործընկերությունը և այն քայլերը, որոնք մենք ձեռնարկում ենք օգնելու երկրներին հասնել ավելի մեծ կայունության, հակամարտության լուծման և հետագա զարգացման», – ասաց Ռիքերը:

Տարածաշրջանային շրջագայության շրջանակներում Ֆիլիպ Ռիքերը Վրաստան կատարած այցից հետո մեկնել էր Ադրբեջան և Հայաստան: Բաքվում և Երևանում հանդիպումներից հետո նա վերադարձել է Թբիլիսի և հանդիպել կաթողիկոս-պատրիարք Իլիա Երկրորդի հետ:

Այսօր Ֆիլիպ Ռիքերը գտնվում էր Մցխեթայում, որտեղ այցելեց Ջվարիի վանք:

Թողնել մեկնաբանություն