ԱՄՆ-ի ալերգիայի և ինֆեկցիոն հիվանդությունների ազգային ինստիտուտի ղեկավար, Էնթոնի Ֆաուչի հայտարարությամբ, ԱՄՆ-ի նորընտիր նախագահի պայմաններում իրեն «ազատագրված է» զգում, քանի որ կարող է խոսել գիտության մասին: Տեղեկատվությունը տարածում է «BBC»-ն:

Էնթոնի Ֆաուչը հաճախ էր հայտնվում Սպիտակ տանը ճեպազրույցների ժամանակ, Միացյալ Նահանգների 45-րդ նախագահ Դոնալդ Թրամփի կողքին, բայց հետո հրաժարվեց ներկա գտնվել, քանի որ նրա գիտական ​​տեսակետները հակասում էին համավարակի վերաբերյալ Թրամփի տեսակետներին:

Հարցին, թե ինչպես է նա զգում իրեն, որ այլևս չի աշխատում Թրամփի կողքին, Ֆաուչն ասել է. «Գաղափարն այն է, որ դուք կարողանաք կանգնել այստեղ և խոսել այն մասին, թե ինչ գիտեք, ինչ ապացույցներ են, ինչ գիտություն է, և գիտեք, որ դա այդպես է, թող գիտնականները խոսեն դրա մասին: Ազատվելու զգացողություն է»:

Էնթոնի Ֆաուչը նաև նշել է, որ կորոնավիրուսի ճգնաժամի մասշտաբների մասին անկեղծորեն խոսելու քաղաքականությունը, խնդիրներ է առաջացրել իր համար: