Վրաստանի առողջապահության նախարար Էկատերինե Տիկարաձեի խոսքով, բոլոր պատվաստանյութերը, որոնք կներկրվեն Վրաստան, ընտրովի հիմունքներով հասանելի կլինեն օկուպացված տարածքներում բնակվող քաղաքացիների համար:

«Ինչ վերաբերում է օկուպացված տարածքներում գտնվող մեր քաղաքացիներին, ապա ինչպես գիտեք, մենք նրանց համար հասանելի ենք դարձրել պատվաստումների գործընթացը, և, իհարկե, բոլոր պատվաստանյութերը, որոնք կմտնեն Վրաստան, նրանց համար հասանելի կլինեն ընտրովի հիմունքներով», – ասաց Էկատերինե Տիկարաձեն:

Լրագրողի հարցին. «Շփման գծի մոտ ապրող մարդիկ դեռ չեն կարող անցնել Վրաստանի տարածք առանց կարանտինի: Նախատեսվու՞մ է չեղարկել 5-օրյա կարանտինը»- Տիկարաձեն ասաց, որ վաղը այդ հարցը կքննարկվի խորհրդի նիստին, և որոշման մասին կտեղեկացվի հանրությունը:

«Առողջապահության նախարարությունում մենք խոսեցինք կարանտինի մասին: Մենք ունենք որոշակի ուրվագիծ, որը վաղը կքննարկվի խորհրդում, և համատեղ որոշում կկայացնենք հաջորդ քայլերի վերաբերյալ, այդ մասին ձեզ կտեղեկացնենք վաղը», – ասաց Էկատերինե Տիկարաձեն: