Էկատերինե Տիկարաձե. Ամրագրված քանակից բացի, ընդհանուր հասանելի կունենանք ևս 600 000 դոզա «Sinopharm»
Վրաստանի առողջապահության նախարար Էկատերինե Տիկարաձեի խոսքով, բացի «Սինոֆարմ» պատվաստանյութի քանակից, որն արդեն իսկ ամրագրվել է քաղաքացիների կողմից, հասանելի կլինի պատվաստանյութի լրացուցիչ 600 000 դեղաչափ:
Նախարարի խոսքով, հունիսին նախատեսվում է ստանալ «Սինոֆարմի» 250 000 դոզա:
«Իհարկե, կլինեն լրացուցիչ դոզաներ, մենք արդեն ունենք լրացուցիչ 100 000 դոզայի հասանելիություն, հունիսին ակնկալում ենք լրացուցիչ 250 000 դոզաներ, բայց բանակցություններ են տարվում լրացուցիչ 250 000 դեղաչափի համար: Սա նշանակում է, որ ընդհանուր առմամբ, բացի այն քանակից, որն այսօր արդեն ամբողջությամբ ամրագրված է, մենք կստանանք «Սինոֆարմի» ևս 600 000 դոզան», – «Ռուսթավի 2»-ի եթերում ասաց Էկատերինե Տիկարաձեն: