Մենք ավարտեցինք Ալեկո Էլիսաշվիլիի մասին մեկնաբանությունները, ինչ նա միացավ «Վրացական երազանքին»,- այս մասին հայտարարել է «Լելոյի» անդամ Սաբա Բուաձեն:

Ինչպես նշել է Սաբա Բուաձեն, ընդդիմության դիրքորոշումը մնում է հավատարիմ այն նախնական պահանջին, որը ֆասիլիտատորների միջոցով փոխանցվել է «Վրացական երազանքին»:

«Հիմա հերթը իշխանություններինն է: Քաղաքական համաձայնության հասնելու համար շատ քիչ ժամանակ է մնացել, որպեսզի ձեռք բերվի համաձայնությունը և մենք ավարտենք այս ճգնաժամը: Իշխանությունները պետք է գիտակցեն, որ առանց նոր ընտրությունների անհնար է հաղթահարել այս ճգնաժամը: Ընդդիմության հիմնական դիրքերն արդեն համաձայնեցվել են, բայց խորհրդակցությունները տեղի են ունենում տարբեր ձևերով, և, իհարկե, չենք բացառում, որ լինի մեկ ընդլայնված հանդիպում, որտեղ մենք մեկ անգամ ևս կքննարկենք այն ռազմավարությունը, որով պատրաստվում ենք շարունակել այս քաղաքական գործընթացը և հաղթահարել այս փակուղին: Ցավալի է, որ իշխանություններն այսօր ոչինչ չեն ձեռնարկում քաղաքական ճգնաժամը հաղթահարելու համար, այժմ ամբողջ բեռը դրված է ընդդիմության վրա, այս ճգնաժամը կառավարելու և նվազագույնի հասցնելու համար: Այնուամենայնիվ, առանց իշխանությունների, պարզ է, որ համաձայնություն ձեռք չի բերվի, և այս քաղաքական ճգնաժամը չի ավարտվի: Հանդիպման հստակ ժամկետ դեռ չունենք, բայց կարող եմ ձեզ ասել, որ հանդիպումն անպայման տեղի կունենա»,- հայտարարել է Սաբա Բուաձեն: