Ընդդիմության հայտարարությունը, որ չեն մասնակցելու երկրորդ փուլին, ինչպես փաստացի, այնպես էլ իրավական բլեֆ է,- այս մասին «Վրացական երազանքի» առաջնորդներից մեկը, Թեա Ծուլուկիանին հայտարարել է կուսակցության գրասենյակում կայացած ճեչազրույցին:

Նրա խոսքով, Վրաստանի օրենսդրությունը չի նախատեսում, որ որևէ կողմ չմասնակցի երկրորդ փուլին:

«Երկրորդ փուլում շատ կարևոր է յուրաքանչյուր ընտրողի բացատրել, ում ընտրողն էլ լինի, որ ընդդիմության հայտարարությունը, որ չեն մասնակցելու երկրորդ փուլին, ինչպես փաստացի, այնպես էլ իրավական բլեֆ է: Մեր օրենսդրությունը չի նախատեսում այն, որ որևէ մեկ չմասնակցի երկրորդ փուլին: Երբ կգնաք ընտրությունների, այնտեղ, իհարկե, կլինի հինգ համարը,  41-ի կամ «Վրացական երազանքի» թեկնածուն, կամ մեկ այլ թեկնածու, ով «Վրացական երազանքի» թեկնածուի հետ միասին երկրորդ տեղում է «Ազգային շարժման» փոխարեն: Այսպիսով, իհարկե, ինչպես նախկինում ապահովված էր կառավարության և համապատասխան պետական ​​կառույցների կողմից, երկրորդ փուլում դուք կունենաք ընտրության հնարավորություն:

Ես կցանկանայի «Վրացական երազանքի» կողմնակիցներին աննախադեպ կենտրոնացման կոչ անել, քանի որ երկրորդ փուլը ընտրությունների շատ կարևոր օր է, և լավ կլինի, եթե ընդդիմադիր ընտրողները դուրս գան և քվեարկեն իրենց ուզած թեկնածուի օգտին: Հետևաբար, երկրորդ փուլը տեղի կունենա և բլեֆ է այն բանի հաստատումը, որ եթե նրանք ասում են չեն մասնակցելու երկրորդ փուլի, երկրորդ փուլ չի լինելու: Սա այն է, ինչ այս օրերին բարձրաձայն պետք է ասվի: Փաստորեն, մենք բազմիցս ասել ենք, որ տեղեկություններ ունենք, որ նրանք լուռ աշխատում են իրենց կուսակցության աջակիցների հետ, որ նրանք գնան և քվեարկեն, ինչը շատ լավ է, և լավ կլինի, որ դա նրանք անեն բարձրաձայն», – հայտարարել է Թեա Ծուլուկիանին: