ԱՄՆ նախագահ Դոնալդ Թրամփն անորոշ ժամանակով հետաձգել է այցը Մեծ Բրիտանիա, որը պետք է կայանար փետրվարին, հայտնում է ВВС-ն։
Նախագահը պատրաստվել է մասնակցել Լոնդոնում ամերիկյան դեսպանատան նոր շենքի բացման արարողությանը, սակայն նրա փոխարեն բրիտանական մայրաքաղաք կուղևորվի պետքարտուղար Ռեքս Թիլերսոնը։
Թրամփի պաշտոնական այցի ժամկետները դեռևս չեն համաձայնեցվել։
Վարկածներից մեկի համաձայն՝ Թրամփը հետաձգել է ուղևորությունը, քանի որ չի ցանկանում հատել Ատլանտյան օվկիանոսը Դավոսյան ֆորում կատարելիք ուղևորությունից մի քանի շաբաթ անց։ Տնտեսական ֆորումը կանցկացվի հունվարի 23-26-ը։ Այլ վարկածի համաձայն՝ նրան վրդովեցրել է Լոնդոնում բողոքի ակցիաների հեռանկարը։