Գլխավորը՝ մշտապես վերահսկել, որ Սաակաշվիլիի առողջական վիճակը լինի կայուն և նրա իրավական կարգավիճակը լինի խորհրդարանի վերահսկողության տակ, – ասել է Վրաստանի խորհրդարանի առողջապահական հանձնաժողովի նախագահ Դիմիտրի Խունդաձեն՝ արդարադատության նախարարությունում կայացած հանդիպումից հետո, որի ընթացքում այսօր Սաակաշվիլիի առողջության իրավիճակի վերլուծության նպատակով ստեղծվել է բժիշկների խումբ:

Խունդաձեի խոսքով, առողջապահության կոմիտեն իր իրավասությունների շրջանակներում կհետեւի գործընթացին:

«Գլխավորը մշտապես վերահսկելն է, որ առողջական վիճակը լինի կայուն և նրա իրավական կարգավիճակը լինի խորհրդարանի վերահսկողության ներքո: Այսօր մենք քննարկեցինք տեխնիկական հարցերը: Խմբի կազմը կներկայացվի դատապարտյալին, և նրա համաձայնությամբ նրանք կներգրավվեն կլինիկական հետազոտման գործընթացին և կիրականացնեն մոնիտորինգ», – ասել է Դիմիտրի Խունդաձեն:

Վրաստանի առողջապահության նախարարությունում այսօր ստեղծվել է բազմաֆունկցիոնալ խումբ, որը պետք է վերլուծի Միխեիլ Սաակաշվիլիի առողջական վիճակը: