Դեսպանների վրա հարձակումը այն պետությունների անպատվությունն է, որոնց նրանք ներկայացնում են, մեկ անգամ ևս դատապարտում ենք Գերմանիայի դեսպանի հասցեին հնչեցված հրապարակային մեկնաբանությունները. ԱԳՆ
Դեսպանների վրա հարձակումը այն պետությունների անպատվությունն է, որոնց նրանք ներկայացնում են, մեկ անգամ ևս դատապարտում ենք Գերմանիայի դեսպանի հասցեին հնչեցված հրապարակային մեկնաբանությունները. ԱԳՆ

Վրաստանի արտաքին գործերի նախարարությունը արձագանքում է Եվրամիության առաքելության կողմից տարածած հայտարարությանը:

Գերատեսչության հայտարարության մեջ ասվում է, որ ևս մեկ անգամ հաստատում են Վրաստանի և արտաքին գործերի նախարարության հարգանքը, երկրում հավատարմագրված դիվանագիտական ​​կորպուսի և միջազգային առաքելությունների նկատմամբ:

«Մենք գտնում ենք, որ հենց նրանց ազնվությունն ու արհեստավարժությունը զգալի ներդրում ունեն մեր երկրի զարգացման ճանապարհին, ինչպես նաև նպաստում են մեր գործընկեր երկրների և միջազգային կազմակերպությունների հետ երկրի բարեկամական հարաբերությունների զարգացմանը:

Բոլորը պետք է լավ գիտակցեն, որ դեսպանները մեր երկրում ներկայացնում են իրենց պետությունները, հետևաբար նրանց վրա հարձակվելը այդ պետությունների անպատվությունն է:
Դեսպանների գործունեությունը հենց այն մեծ բարեկամության ու գործընկերության արտացոլումն է, որը Վրաստանը հաստատել է միջազգային հանրության հետ:

Այդ թվում է նաև Գերմանիանն, որի հետ մենք ունենք համագործակցության բարձր մակարդակ, որը հատկապես հզորացել է վերջին տարիներին: Գերմանիան մեծ դեր է խաղացել Վրաստանի ժողովրդավարական և տնտեսական զարգացման գործում: Բոլորս լավ ենք հիշում մեր երկրի անկախության առաջին տարիներին Գերմանիայի աջակցությունը, ինչպես երկկողմ, այնպես էլ բազմակողմ ձևաչափերով:

Այս աջակցությունը շարունակվում է նաև այսօր և հստակեցվում է տարեց տարի, մեր երկրի համար այնպիսի հիմնարար հարցերում, ինչպիսիք են՝ ինքնիշխանությունը և տարածքային ամբողջականությունը, ինչպես նաև եվրոպական և եվրաատլանտյան ինտեգրումը»,- ասված է հայտարարության մեջ, և նշված, որ Վրաստանի արտաքին գործերի նախարարությունը դատապարտում է Վրաստանում Գերմանիայի դեսպանի հանդեպ արված մեկնաբանությունները:

Եվրամիությունը, Վրաստանում Գերմանիայի դեսպան Հուբերտ Քնիրշի հասցեին վերջին օրերին արված մեկնաբանությունների կապակցությամբ տարածել է հատուկ հայտարարություն, որում ասվում է, որ կազմակերպությունը դատապարտում է Գերմանիայի դեսպանի հասցեին որոշ քաղաքական առաջնորդների և մամուլի կողմից իրակականացրած հարձակումները:

Թողնել մեկնաբանություն