Դավիթ Գարեջիի համալիրում եկեղեցու բացումը ևս մեկ քայլ է Գարեջիի համալիրի և սահմանների ճշտման հարցը կարգավորելու ուղղությամբ. Սալոմե Զուրաբիշվիլի
Վրաստանի նախագահ Սալոմե Զուրաբիշվիլին ողջունում է այն արդյունքը, որը հետևել է վարչապետ Գիորգի Գախարիայի Ադրբեջան այցին:
«Երկու երկրների ազգային հետաքրքրությունների և պատմության նախատեսմամբ, վրաց հասարակության համար Դավիթ Գարեջի համալիրում գոյություն ունեցող եկեղեցիների բացումը ևս մեկ քայլ է, Գարեջի համալիրի և սահմանի ճշտման ուղղությամբ:
Ադրբեջանը մեր ռազմավարական գործընկերն է և համոզված եմ, որ համատեղ ջանքերի արդյունքում, երկու երկրները կգտնեն իրենց շահերից բխող լուծումներ», – ասվում է Վրաստանի նախագահի հայտարարության մեջ:
Վրաստանի վարչապետ Գիորգի Գախարիան առաջին պաշտոնական այցով երեկ գտնվում էր Ադրբեջանում:
Գիորգի Գախարիան Ադրբեջան կատարած այցը գնահատել է այսօրվա կառավարության նիստին և հայտարարել, որ վաղվանից Գարեջի համալիրում գտնվող եկեղեցիները կբացվեն հոգևորականների համար: